عندك فكرة عنه؟

الخوف هو شعور انساني طبيعي

أيش هو الخوف؟ الخوف هو استجابة فطرية من الجسم والعقل لما نحس إن في شي يهدد أماننا، سواء كان حقيقي أو متخيّل. الدماغ يشتغل بسرعة عشان يحمينا، يجهزنا نهرب أو نواجه أو نتجنّب. هو مش ضعف، هو نظام حماية داخلي يشتغل حتى قبل ما نفهم الموقف.

ليش نحس فيه؟ نحس بالخوف لما نواجه شي جديد، مؤلم، أو خارج عن سيطرتنا، خصوصًا لو مرّينا بتجارب سابقة تركت أثر. الدماغ، خاصة منطقة اللوزة، يربط بين الموقف الحالي وخطر قديم، حتى لو ما كان فيه خطر فعلي. الخوف يشتغل كأنه يقول: "أنا بس أشتيك تنتبه، ما نشتي نخاطر ونخسر" .

أيش علاماته؟ قلبنا يدق بسرعة، نتعرق، نرتبك، ونحاول نهرب أو نتجنب. نحس بتوتر في الجسم، ونفكر بأسوأ الاحتمالات. أحيانًا نبقي ساكتين، أو نتصرف بطريقة دفاعية بدون وعي.

أيش الرسالة اللي الخوف يحاول يوصله لنا؟ "في شي محتاج انتباهك، لا تتجاهله". هو ما يجي يعاقبنا، يجي يحذرنا، يقول "انتبه، احمِ نفسك". ولو سمعناه بهدوء، نقدر نفهم أيش الشي اللي نحتاج نواجهه أو نبتعد عنه.

أيش اللي نحتاجه؟ نحتاج نهدأ، نتحقق من الحقيقة، ونفهم هل الخوف فعلاً له سبب. نحتاج أمان داخلي، وكلمة تطمّننا إننا مش وحدنا. ونحتاج نصدق إننا نقدر نواجه، حتى لو شوي شوي.

كيف نستفيد من الجزء الحلو فيه؟ الخوف يخلينا ننتبه، نخطط، ونحمي نفسنا من المخاطر. يعلمنا نكون حذرين، ويخلينا نعرف حدودنا. ومن خلاله، نقدر نكون شجعان، مش لأننا ما نخاف، بل لأننا نتحرك رغم الخوف.

كيف نتخلص من الجزء السيء فيه؟ نبدأ نواجهه بالتدريج، نفضفض -مش لأي أحد، للشخص الصح 🤍 - ، ونتنفس بعمق لما يشتد. نراقب أفكارنا، ونفرق بين الخوف الحقيقي والوهمي. وإذا صار الخوف يوقف حياتنا، ساعتها مافي أكفى وأجدر من مختص نفسي لطيف يساعدنا نستعيد التوازن. 💙