أيش هو التعلق الآمن؟
هو لما العلاقة تكون مساحة فيها أمان، صدق، واحتواء،
لما تحس إنك تقدر تعتمد على الآخر، بدون خوف من الفقد أو الرفض، لما القرب ما يوجّع، والمسافة ما تخوّف، والثقة تكون موجودة حتى في لحظات الضعف.
ليش نحس فيه؟
نحس بالتعلّق الآمن لأن النفس تتجاوب مع الاستجابة -سواء استجابة لمشاعرنا زي حضن وقت الخوف ونصيحة وقت التردد او لوجودنا ككل زي اننا نُسمع ونُرى ويُقدّر وجودنا - ، ومع الأمان العاطفي المستمر.
لأننا مخلوقين نحتاج نكون مرئيين، مفهومين، ومقبولين بدون شروط.
لما الآخر يحتوي مشاعرنا، يرد على احتياجنا، ويخلّي العلاقة مساحة نرجع لها بأمان، النفس تهدأ وتثق.
التعلّق الآمن هو نتيجة علاقة تسمح لنا نكون، مش بس نرضي.
أيش علاماته؟
تحس إنك تقدر تعبّر بدون خوف، وتطلب بدون خجل،
إنك مش مضطر تراقب كل كلمة، أو تتوقّع الأسوأ،
إنك مرتاح في القرب، ومش قلق من البُعد،
تحسي إن العلاقة فيها تنفّس، مش شدّ.
أيش الرسالة اللي الأمان يحاول يوصله لنا؟
"أنت تستحقّ علاقة فيها أمان، مش اختبار."
"القرب مش لازم يكون مؤلم، والثقة مش لازم تكون مشروطة."
هو دعوة نكون على طبيعتنا، بدون خوف من الهجر أو اللوم.
أيش اللي نحتاجه؟
نحتاج نراجع علاقتنا بأنفسنا أول، هل نسمح لأنفسنا نطلب، نرتاح، نغلط؟
نحتاج نكون مع ناس يخلّونا نحس إننا مقبولين، مش مطلوب منّا نثبت شي.
نحتاج نمارس التواصل الصادق، ونبني علاقة فيها وضوح، واحتواء، واستمرارية.
كيف نستفيد من الجزء الحلو فيه؟
نستفيد منه لما نخلي العلاقة مصدر أمان، مش اختبار.
هو اللي يخلّي النفس تهدأ، والجسم يرتاح، والتواصل يصير صادق بدون خوف.
يخلّي الحب يمشي بسلاسة، والثقة تبني نفسها بدون جهد زائد.
هو أساس نقدر ننطلق منه، ونرجع له، بدون ما نفقد أنفسنا.
كيف نتخلص من الجزء السيء فيه؟
نتخلّص من الجزء السيء في التعلّق الآمن لما ننتبه إذا تحوّل لاعتماد مفرط أو خوف من الوحدة.
نراجع علاقتنا بالذات: هل نقدر نهدأ بدون الآخر؟ هل نثق بأنفسنا وقت الغياب؟
نوازن بين القرب والاستقلال، ونربّي داخلنا قاعدة آمنة نرجع لها، حتى لو الناس تغيّروا.
التعلّق الآمن ما يعني نذوب في الآخر، يعني نرتبط من وعي، مش من احتياج زائد، ومافي احد بيساعدنا نضبط الجزئية ذي الا المختص النفسي اللطيف💙.